Жамбыл облыстық тарихи-өлкетану музейіне қарасты «Даңқ» залы мен «Бауыржан Момышұлы» музейінде өскелең ұрпаққа «Ауғанның отты жылдары» атты іс-шара өткізілді. Отан сүйгіштік рух пен тарихи тағылым сыйлаған мазмұнды кездесу болды.

Іс-шараға Ауған соғысының ардагерлері — запастағы полковник Садықов Ержан Бекайдарұлы, авиация майоры, 1-ші дәрежелі ұшқыш Рысқұлов Батырбек Аримбасарұлы, сондай-ақ ардагер Айшуақов Амангелді қатысты.

Кездесуге Тараз қаласындағы «Жас тамыр» элиталық мектебі мен №66 жайлы мектептің оқушылары қатысып, ардагерлердің ерлік жолы мен өмірлік тәжірибесінен тағылымды әңгіме тыңдады. Мұндай кездесулер жас ұрпақтың ел тарихына деген құрметін арттырып, патриоттық рухты нығайта түсетіні сөзсіз.