Жамбыл облыстық тарихи-өлкетану музейіне қарасты «Даңқ» залының қызметкерлері жас ұрпаққа патриоттық тәрбие беру, тарихи тұлғаларды таныту мақсатында генерал-майор И.В. Панфиловқа арналған танымдық іс-шара өткізді.

Іс-шара аясында Жамбыл ауданының «Исмайл» мектебінің оқушыларына арналған «Тарихта қалған тұлға — генерал-майор И. Панфилов» тақырыбында тағылымды экскурсия ұйымдастырылды.

Экскурсия барысында оқушыларға генерал-майор И. Панфиловтың өмір жолы, әскери ерлігі мен Ұлы Отан соғысы жылдарындағы қаһармандық істері туралы мазмұнды мәліметтер ұсынылды. Шара жас буынның ел тарихына деген қызығушылығын арттырып, отансүйгіштік рухын нығайтуға бағытталды.